ပန်းပွင့်လေးသို့ပေးစာ

ပန်းပွင့်လေးရေ နေကောင်းရဲ့လား
ရွာဦးကျောင်းက ကလေးတွေကတော့
ပန်းပွင့်လေးကို အမြဲသတိရနေကြတယ်
ပန်းပွင့်လေးပြန်လာရင် သူတို့ရထားတဲ့
ကဗျာတွေ ရွတ်ပြမယ်လို့ပြောတယ်
ပန်းပွင့်လေးရေ
ရွာက ငါ့စိုက်ခင်းလေးလည်း ပိုးကျလို့
အပျက်အစီး အဆုံးအရှုံး အလေအလွင့် အရမ်းများနေတယ်
အဖေသာရှိရင် တော်တော် စိတ်မကောင်းဖြစ်ရှာမယ်
ပန်းပွင့်လေးရေ တခါ တခါ
အဖေ့ကို အရမ်းသတိရတာပဲ
သြော် ပန်းပွင့်လေးရေ
ပြောရဦးမယ်
ရွာက ငါ့မိတ်ဆွေအချို့လည်း
အခုရက်ပိုင်း ခရီးထွက်သွားကြတယ်
ဒီတခေါက် ကြာမယ်လို့ ထင်တယ်
သူတို့ကတော့ ပျော်လို့
ငါ့မှာသာ စိတ်မကောင်းဖြစ် ကျန်ရစ်ခဲ့ရတယ်
အဲဒါနဲ့ ပန်းပွင့်လေးရေ
ငါလည်း ရွာမှာ တယောက်တည်းလိုလို ဖြစ်နေတယ်
ဟိုးတလောက ပန်းပွင့်လေးသတင်းကြားတော့
ငါဖြင့် တော်တော်စိတ်ပူသွားမိတယ်
ဒါပေမယ့် ငါပြန်တွေးကြည့်တယ်
အမှန်တရားဘက် လျှောက်ကြတဲ့အခါ
ဒီလောက်တော့ ရှိမှာပဲလို့
ငါ့အတွက်တော့ ပန်းပွင့်လေးရှိလို့သာ တော်တော့တယ်
ဒါပါပဲ ပန်းပွင့်လေးရယ်
တနေ့နေ့ တို့ ပြန်ဆုံကြမှာသေချာတယ်။

တိုးလွင် (ဥတ္တရအလင်း)
ပိတောက်ပွင့်သစ်
အမှတ် (၂၃) မတ်လ ၂၀၀၉